ახალგამოცხადებული სტარტაპ გრანტების კონკურსი გააცნო დღეს ინოვაციებისა და ცვლილებების ინსტიტუტმა ადგილობრივ საზოგადოებას ონლაინ საინფორმაციო შეხვედრაზე. კონკურსი ევროკავშირის ფინანსური მხარდაჭერით ტარდება და ის მასშტაბური პროექტის- “უნარები დასაქმებისა და თანამშრომლობისთვის – პერსპექტივები საქართველოს რეგიონებისთვის – SECTORs” – ერთ-ერთი კომპონენტია.
შეხვედრას ადგილობრივი საზოგადოება, მას მედია და სხვა დაინტერესებული პირები ესწრებოდნენ. დეტალური პრეზენტაციის შემდეგ გაიმართა შეკითხვებისა და პასუხების სესია, სადაც მსმენელებმა თითოეულ დასმულ შეკითხვაზე ამომწურავი პასუხი მიიღეს.
შეგახსენებთ, რომ პროექტი “უნარები დასაქმებისა და თანამშრომლობისთვის – პერსპექტივები საქართველოს რეგიონებისთვის – SECTORs”, დაფინანსებულია ევროკავშირის მიერ და ახორციელებს ინოვაციებისა და ცვლილებების ინსტიტუტი (ყოფილი გურიის ახალგაზრდული რესურს ცენტრი) ასოციაცია „ათინათთან“, საქართველოს ფერმერთა ასოციაციასთან და დემოკრატიის ინსტიტუტთან პარტნიორობით.უშუალოდ ზემოთხსენებული საგრანტო კონკურსის შესახებ ინფორმაციის ნახვა შესაძლებელია ინოვაციებისა და ცვლილებების ინსტიტუტის ვებ-გვერდზე:
