გაეროს განვითარების პროგრამის (UNDP) დაფინანსებული პროექტის “პროფესიული განათლების სისტემების მოდერნიზაცია საქართველოს სოფლის მეურნეობის სფეროში ფაზა 2” ფარგლებში გურიის ახალგაზრდული რესურსცენტრის პროექტის ბენეფიციარებთან ერთად შემაჯამებელი შეხვედრა – სემინარი, საქართველოს აგრარული უნივერსიტეტის სუპტროპიკული კულტურების და ჩაის მრეწველობის ინსტიტუტში გაიმართა.
სასწავლო კურსის მონაწილეებმა კვლევითი ლაბორატორიები : კვების პროდუქტების ტექნოლოგიების , მცენარეთა დაცვის, სელექციისა და ბიოქიმიის, ასევე საინჟინრო ტექნოლოგიების დაათვალიერეს, სადაც აქტიური სამეცნიერო- კვლევითი მუშაობები მიმდინარეობს.
პროგრამის მონაწილეებმა პროექტის შემაჯამებელ შეხვედრაზე პრაქტიკულ ცოდნასთან ერთად თეორიულიც მიიღეს.
შეხვედრა – სემინარი ტრადიციულად ინტეგრირებული იყო და კითხვა – პასუხის რეჟიმში წარიმართა.
სასწავლო პროგრამა ხორციელდება გაეროს განვითარების პროგრამის (UNDP) დაფინანსებული პროექტის – “პროფესიული განათლების სისტემების მოდერნიზაცია საქართველოს სოფლის მეურნეობის სფეროში ფაზა 2” – ფარგლებში, რომელიც ხორციელდება გურიის ახალგაზრდული რესურს ცენტრის მიერ, საქართველოში გაეროს განვითარების პროგრამის (UNDP) და სამხრეთ კავკასიაში შვეიცარიის თანამშრომლობის ოფისის (SDC) დაფინანსებით.
