ინოვაციებისა და ცვლილებების ინსტიტუტის მიერ გამართულ სასწავლო შემეცნებით ბანაკს, რომელშიც ,,USAID-ის სამოქალაქო განათლების პროგრამის 20 პარტნიორი სკოლის 50 მოსწავლე მონაწილეობდა, 30 ივლისს და 1 აგვისტოს, სოფელ გომში, ტურისტულმა სივრცემ ,,დუმბო ეკო კემფმა” უმასპინძლა.
ბანაკის დღის წერიგი მოიცავდა როგორც საგანმანათლებლო – შემეცნებით, ასევე კლუტურულ და გასართობ აქტივობებს.
შეხვედრის მიზანი მოსწავლეებისთვის კონკრეტული მიმართულებით ცოდნის გაღრმავებასთან ერთად, მათი გამხიარულება და ზაფხულის დღეების შინაარსიანად გატარება იყო, რაც, ვფიქრობთ, ნამდვილად წარმატებით მოვახერხეთ. ამას გვაფიქრებინებს ის საინტერესო პროექტები, რომლებიც ბანაკის მანძილზე შევიმუშავეთ, და ასევე ის დადებითი შეფასებები, რაც პედაგოგებისგან, მოსწავლეებისგან და მათი მშობლებისგან მივიღეთ.
USAID-ის სამოქალაქო განათლების პროგრამას ორგანიზაცია PH International ახორციელებს აშშ საერთაშორისო განვითარების სააგენტოს (USAID) ფინანსური მხარდაჭერით. პროგრამის მხარდამჭერია საქართველოს განათლებისა და მეცნიერების სამინისტრო. გურიის რეგიონში პროგრამის პარტნიორია ინოვაციებისა და ცვლილებების ინსტიტუტი.
