USAID-ის სამოქალაქო განათლების პროგრამა 2023-2024 სასწავლო წლის შედეგებს აჯამებს გურიაში – 28 მაისს ოზურგეთის #1 საჯარო სკოლის საკონფერენციო დარბაზში USAID-ის სამოქალაქო განთლების პროგრამის წლის შედეგების პრეზენტაცია გაიმართა.
პროგრამის პარტნიორი 36 საჯარო სკოლის მოსწავლეთა თვითმმართველობებისა და სამოქალაქო კლუბების წევრებმა წარმოადგინეს განხორციელებული გამორჩეული საქმიანობები, პროექტები და ამავე პროგრამის მცირე გრანტების კომპონენტით დაფინანსებული ინიციატივები.
ღონისძიებაზე ოზურგეთის #1 საჯარო სკოლის სამოქალაქო კლუბის წევრებმა წარმოადგინეს ინტერაქტიული პერფორმანსი/ფლეშმობი ადიქციის თემაზე.
ღონისძიების მსვლელობისას მადლობის სიგელები და სიმბოლური საჩუქრები გადაეცათ პრეზენტატორ მოსწავლეებსა და პედაგოგებს, ასევე პროგრამის ფარგლებში ორგანიზებული კონკურსების გამარჯვებულ და სტაჟირების მონაწილე მოსწავლეებს. შეხვედრაზე დასახელდა ტექნიკის კონკურსის გამარჯვებული სკოლები: კოხნარისა და ხიდისთავის საჯარო სკოლები ჩოხატაურის მუნიციპალიტეტიდან, ხოლოდ ცხემლისხიდის საჯარო სკოლა ოზურგეთის მუნიციპალიტეტში.
ღონისძიებას დაესწრო პროგრამის პარტნიორი სკოლების პედაგოგები, მოსწავლეები, მასმედიის, PH International – ისა და USAID- წარმომადგენლები.
