,,ათინათში“ ტურიზმის კლასტერის პრეზენტაცია გაიმართა.
კლასტერში გაწევრიანდნენ სხვადასხვა გამოცდილების და სექტორის წარმომადგენლები, რომლებსაც პირდაპირი ან ირიბი ბმა აქვთ ტურზმთან: მცირე მეწარმეები, მეღვინეები, საოჯახო სასტუმროებისა და ტურიტული ობიექტების მეპარტონეები, სხვადასხვა სერვისი მიმწოდებლები, ხელნაკეთობების ოსტატები, კოოპერატივის წარმომადგენლები.
კლასტერის კარი ღიაა ყველა დაინტერესებული სუბიექტისთვის.ტურიზმის კლასტერის მისიაა: სექტორთაშორისო თანამშრომლობის განვითარება და ზუგდიდის მუნიციპალიტეტის გადაქცევა სამეგრელოს ტურიზმის ჰაბად, მიმზიდველ ადგილად, როგორც ადგილობრივი, ისე უცხოელი ვიზიტორებისთვის, რაც გამოიწვევს ახალი სამუშაო ადგილების შექმნას და ხელს შეუწყობს რეგიონის ეკონომიკურ განვითარებას.
პრეზენტაციას ესწრებოდნენ კლასტერის წევრები, ზუგდიდის მუნიციპალიტეტის მერიის, სამოქალაქო სექტორის, საერთაშორისო ორგანიზაციების და მედიის წარმომადგენლები. ასევე მოწვეული სტუმრები – ევროკავშირის დელეგაციის წარმომადგენელი ქეთევან ხუციშვილი, ინოვაციებისა და ცვლილებების ინსტიტუტის წარმომადგენლები თამარ ღლონტი და ოთარ რევიშვილი, კულტურის პოლიტიკის ექსპერტი და მკვლევარი ლევან ხარატიშვილი.
ტურისტული კლასტერი დაარსდა პროექტის – „უნარები დასაქმებისა და თანამშრომლობისთვის – პერსპექტივები საქართველოს რეგიონებისთვის“ (SECTORS) – ფარგლებში, რომელიც დაფინანსებულია ევროკავშირის მიერ და ახორციელებს ინოვაციებისა და ცვლილებების ინსტიტუტი დემოკრატიის ინსტიტუტთან, საქართველოს ფერმერთა ასოციაციასა და ასოციაცია „ათინათთან“ პარტნიორობით აჭარაში, გურიასა და სამეგრელოში.
