გაიცანით გიორგი მამალაძე სტარტაპ გრანტის კონკურსის გამარჯვებული. გიორგის პანდემიის პერიოდში სწავლის მიტოვება და გურიაში დაბრუნება მოუწია. ის მანამდე სხვადასხვა სახელოსნოში ავტომობილების შემკეთებლად მუშაობდა. დაგროვილი ცოდნითა და გამოცდილებით საკუთარი ბიზნესის წამოწყება გადაწყვიტა. დღეს გიორგის სტარტაპ გრანტის დაფინანსების წყალობით თავისი საქმე აქვს და ადგილობრივებსაც ასაქმებს. სტარტაპ გრანტი გაიცა პროექტის – „უნარები დასაქმებისა და თანამშრომლობისთვის – პერსპექტივები საქართველოს რეგიონებისთვის“ (SECTORS) – ფარგლებში. პროექტი დაფინანსებულია ევროკავშირის მიერ და ახორციელებს ინოვაციებისა და ცვლილებების ინსტიტუტი დემოკრატიის ინსტიტუტთან, საქართველოს ფერმერთა ასოციაციასა და ასოციაცია „ათინათთან“ პარტნიორობით აჭარაში, გურიასა და სამეგრელოში.
