მოკლევადიან სასწავლო კურსი

ინოვაციებისა და ცვლილებების ინსტიტუტი პროექტ “პროფესიული განათლების სისტემების მოდერნიზაცია საქართველოს სოფლის მეურნეობის სფეროში ფაზა 2 ის“ ფარგლებში, რომელიც დაფინანსებულია საქართველოში გაეროს განვითარების პროგრამის (UNDP) და სამხრეთ კავკასიაში შვეიცარიის თანამშრომლობის ოფისის (SDC) მიერ და ევროკავშირის დაფინანსებული პროექტის „უნარები დასაქმებისა და თანამშრომლობისთვის – პერსპექტივები საქართველოს რეგიონებისთვის – SECTORs” ფარგლებში, აცხადებს მსურველთა მიღებას „ციტრუსოვანი, სუბტროპიკული და კენკროვანი კულტურების წარმოება“ მოსამზადებელ სასწავლო კურსზე. კურსში მონაწილეობა შეუძლიათ გურიის მცხოვრებ კანდიდატებს.

მოკლევადიან სასწავლო კურსში ჩართული პირები გაივლიან როგორც თეორიული, ასევე პრაქტიკული სწავლების 50 საათიან კურსს. კურსს გაუძღვებიან სოფლის მეურნეობის განვითარების ასოციაციის (ADA) ექსპერტები.

მოსამზადებელი კურსის გავლის შემდგომ მონაწილეებს ექნებათ შემდეგი უნარები:

● ნიადაგის შერჩევა-მომზადება და პლანტაციისათვის განსაზღვრული ნიადაგის დამუშავება – ნიადაგის მომზადება პლანტაციის გასაშენებლად;

● ნერგის დასარგავად მომზადება და დარგვის გავრცელებული სქემები, წესები და მეთოდები

● ნარგავების წამლობათა რეკომენდებული ტაბულები

● ვარჯის ფორმირება

● კულტურების გაშენება/მოვლა-მოყვანა;

● მცენარეთა დაცვითი ღონისძიებების გატარება;

● მოსავლის აღების ოპტიმალური ვადები და წესები, მოსავლის აღების შემდგომი ნიადაგის მოვლის ღონისძიებები

მონაწილეები მიეკუთვნებოდნენ ქვემოთმოცემულ სამიზნე კატეგორიას:

● ადგილობრივი ფერმერები

● საშუალო განათლების მქონე 35 წლამდე ახალგაზრდები – რომლებმაც ეკონომიკური სიდუხჭირის გამო ვერ შეძლეს უმაღლესი ან პროფესიული განათლების მიღება და მიეკუთვნებიან რომელიმე მოწყვლად კატეგორიას (სიღარიბის ზღვარს მიღმა მყოფნი ან დაბალშემოსავლიანი ოჯახები, ყოფილი მიგრანტი, ყოფილი პატიმარი ან პრობაციონერი და ა.შ.)

● განათლების მიღმა მყოფი 35 წლამდე ახალგაზრდები – არასრული საშუალო განათლების მქონენი ან რომლებმაც მიატოვეს სკოლა საბაზო საფეხურზე;

● უმაღლესი განათლების მქონე 35 წლამდე სამუშაოს მაძიებელი ახალგაზრდები- დაბალშემოსავლიანი ოჯახის წევრი;

● ქალები – ეკონომიკური და სოციალური სირთულეების წინაშე მდგომნი (ასაკი შეუზღუდავია).

● მნიშვნელოვანი ყურადღება დაეთმობა ქალთა, იძულებით გადაადგილებულ პირთა და შეზღუდული შესაძლებლობების მქონე პირთა მონაწილეობას (ამ უკანასკნელის შემთხვევაში მოხდება მათი უნარებისა და შესაძლებლობების გათვალისწინება და თანხვედრის უზრუნველყოფა პროექტის ფარგლებში შეთავაზებულ სასწავლო და დასაქმების პროგრამებთან) სამიზნე ყველა რეგიონში.

დაინტერესებულმა პირებმა უნდა შეავსონ განაცხადის ფორმა ქვემოთმოცემული ბმულის საშუალებით 2022 წლის 25 მარტის ჩათვლით.

განაცხადის ფორმა: https://bit.ly/3M6O0cg

დამატებითი ინფორმაციის საჭიროების შემთხვევაში დაგვიკავშირდით:

Mail: ici.info.02@gmail.com;

Tel: 599981898

პროექტი “პროფესიული განათლების სისტემების მოდერნიზაცია საქართველოს სოფლის მეურნეობის სფეროში ფაზა 2“ ხორციელდება ინოვაციებისა და ცვლილებების ინსტიტუტის და სოფლის მეურნეობის განვითარების ასოციაციის მიერ, საქართველოში გაეროს განვითარების პროგრამის (UNDP) და სამხრეთ კავკასიაში შვეიცარიის თანამშრომლობის ოფისის (SDC) დაფინანსებით.

„უნარები დასაქმებისა და თანამშრომლობისთვის – პერსპექტივები საქართველოს რეგიონებისთვის” (SECTORS) დაფინანსებულია ევროკავშირის მიერ და ახორციელებს ინოვაციებისა და ცვლილებეის ინსტიტუტი, საქართველოს ფერმერთა ასოციაციასთან, დემოკრატიის ინსტიტუტთან და ასოციაცია „ათინათთან“ პარტნიორობით.