16 ივლის ჩოხატაურის მუნიციპალიტეტში, „ინოვაციებისა და ცვლილებების ინსტიტუტის“ ( ყოფილი გურიის ახალგარდული რესურსცენტრი) წარმომადგენელმა, პროექტის კოორდინატორმა ოთარ რევიშვილმა მოწვეულ ადგილობრივი ბიზნესის წარმომადგენლებს, სამოქალაქო საზოგადოების ორგანიზაციებს და მას მედიას საქართველოში გაეროს განვითარების პროგრამის (UNDP) “პროფესიული განათლების სისტემის მოდერნიზება საქართველოს სოფლის მეურნეობაში ფაზა 2” პროექტის ხელშეწყობით გამოცხადებული ინოვაციების მხარდაჭერის საგრანტო პროგრამის პრეზენტაცია გამართა.
საგრანტო პროგრამა ხორციელდება გაეროს განვითარების პროგრამის (UNDP) დაფინანსებული პროექტის – პროფესიული განათლების სისტემის მოდერნიზება საქართველოს სოფლის მეურნეობაში ფაზა 2″ ფარგლებში, რომელიც ხორციელდება ინოვაციებისა და ცვლილებების ინსტიტუტის მიერ (ყოფილი გურიის ახალგაზრდული რესურს ცენტრი), საქართველოში გაეროს განვითარების პროგრამის (UNDP) და სამხრეთ კავკასიაში შვეიცარიის თანამშრომლობის ოფისის (SDC) დაფინანსებით.
